“ХАРИУЦЛАГЫН ДААТГАЛ ТАНЫ ТӨЛӨӨ” СЭДЭВТ ЭЭЛЖИТ СУРГАЛТЫГ ЗОХИОН БАЙГУУЛЛАА

Албан журмын даатгагчдын холбоо нь Даатгалын тухай хуульд заасан даатгалын тохиолдлыг бууруулах, зам, тээврийн ослоос урьдчилан сэргийлэх чиглэлээр Цагдаагийн ерөнхий газар болон “Юбикаб” ХХК-тай хамтран ажиллах санамж бичиг байгуулсан.

Уг санамж бичгийн хүрээнд жолоочийн дуудлагын үйлчилгээ эрхлэхээр бүртгүүлсэн Дархан-Уул аймгийн жолооч болон орон нутагт үйл ажиллагаа явуулж буй даатгагч нарт зориулан “Хариуцлагын даатгал таны төлөө” сэдэвт ээлжит сургалтыг 2024 оны 09 дүгээр сарын 18-ны өдөр зохион байгууллаа.

Тус сургалтаар Холбооны Гүйцэтгэх захирал М.Өлзийбат “Жолоочийн даатгалын хуулийн хэрэгжилт, зам тээврийн ослын үед авах арга хэмжээ, нөхөн төлбөр, итгэлцүүрийн өөрчлөлт”, ЦЕГ-ын ТЦА-ны Урьдчилан сэргийлэх хэлтсийн ахлах зохицуулагч, цагдаагийн ахмад Б.Энхболд “Зам, тээврийн ослоос урьдчилан сэргийлэх нь” сэдвээр тус тус мэдээлэл өгч ажиллалаа.