Албан журмын даатгагчдын холбооны шинэ ажилтнууд “Монголын Даатгалын Зах Зээлийн Холбоо – MIMA”-ноос тогтмол зохион байгуулдаг “Шинэ ажилтны сургалт-2026”-д хамрагдаж салбарын мэдлэг мэдээллийг авлаа.
Уг сургалт нь салбарын шилдэг мэргэжилтэн, судлаачдаас бүрдсэн сургагч багш нар шинэ ажилтнуудад даатгалын салбарын суурь ойлголтыг онол, практик хосолсон хөтөлбөрөөр дамжуулан өгч, мэдлэг, мэдээллийг дээшлүүлэн арга туршлагаа хуваалцдагаараа онцлог юм.
Энэ удаагийн сургалтаар Даатгалын мөн чанар, зарчим, эрсдэл, эрсдэлийн удирдлага,, Жолоочийн хариуцлагын албан журмын даатгал, Даатгалын салбарын зохицуулалт, чиг хандлага, Даатгалын зуучлалын үйл ажиллагаа, Давхар даатгал, Хөрөнгийн даатгал, Хариуцлагын даатгал, Амьдралын даатгал, Даатгалын гэрээ, Даатгалын нөхөн төлбөр, Гэнэтийн осол, эрүүл мэндийн даатгал, Даатгалын андеррайтинг, Актуар тооцоолол, Даатгалын хохирлын үнэлгээ, Даатгалын эрх зүй зэрэг сэдвийн хүрээнд салбарын экспертүүд мэдээлэл хуваалцлаа.
2026 оны эхний сургалтад 10 байгууллагын 40 гаруй шинэ ажилтан хамрагдав.
