“Албан журмын даатгагчдын холбоо” ГҮТББ нь “Бодь даатгал” ХК-тай хамтран 2025 оны 06 дугаар сарын 06-ны өдөр “Ханбогд” ХХК-ийн Оюу Толгойн ажилчдад үйлчилдэг тээврийн жолооч нарт зориулсан сургалтыг зохион байгууллаа.
Сургалтаар Холбооны сургалт, сурталчилгаа хариуцсан менежер Б.Гүндэгмаа даатгалын ач холбогдол, жолооч нар даатгалын гэрээ байгуулахдаа анхаарах зүйл, “Замын хөдөлгөөний аюулгүй байдлыг хангах нийгэмлэг” НҮТББ-ын ажилтан П.Мөнхбаяр удахгүй хэрэгжиж эхлэх замын хөдөлгөөний шинэчилсэн дүрмийн талаар тус тус мэдээлэл өглөө.
Энэхүү сургалт нь зам, тээврийн ослоос урьдчилан сэргийлэх, жолооч нарын замын хөдөлгөөний дүрмийн мэдлэгийг дээшлүүлэх, хариуцлагын даатгалд хамрагдах, соёлтойгоор хөдөлгөөнд оролцох ,жолоочийн хариуцлагыг нэмэгдүүлэх зорилготой болно.
