Жолоочийн хариуцлагын Албан Журмын даатгалын гэрээний мэдээллээ SMARTCAR, EBARIMT, E-MONGOLIA, AUTO BOX-с шалгах боломжтой. 2025 онд нийт 888 мянган Жолоочийн хариуцлагын албан журмын даатгалын гэрээ байгуулагдаж, эдгээр гэрээнээс 60.9 тэрбум төгрөгийн хураамж төвлөрүүлэв. 2025 онд Жолоочийн хариуцлагын албан журмын даатгалтай холбоотой нийт 25 мянган тохиолдол бүртгэгдэж, 29.8 тэрбум төгрөгийн нөхөн төлбөр олголоо. 2026 оны 1 дүгээр сарын 26-аас 2 дугаар сарын 01-ний хооронд Жолоочийн хариуцлагын албан журмын даатгалын 508 даатгалын тохиолдол бүртгэгдэж, үүнд 729,1 сая төгрөгийн нөхөн төлбөрийг олгожээ.
Албан журмын даатгагчдын холбоо нь Жолоочийн даатгалын мэдээллийн системийн шинэчлэлтэй холбогдуулан Холбооны гишүүн даатгалын компаниудын нөхөн төлбөр хариуцсан ажилтнуудад цахим сургалтыг зохион байгууллаа. Сургалтаар системийн өөрчлөлт, нөхөн төлбөрийн мэдээллийг тухай бүр илгээх, зарим тулгамдаж байгаа асуудлын хүрээнд мэдээлэл өгч, хэлэлцүүлэг хийлээ.
Мэдээллийг мэдээллийн санд тухай бүрд нь үнэн зөв мэдээллийг оруулснаар даатгалын салбарын статистик мэдээллийн үнэн зөв байдал хангагдах, эрсдэлээс урьдчилан сэргийлэх зэрэг ач холбогдолтой юм.