✅ Зээлдэгчийн амь нас, эрүүл мэндийг урт хугацааны даатгалд хамруулан, гэнэтийн осол болон өвчлөл зэрэг аливаа шалтгааны улмаас нас барах, хөдөлмөрийн чадвараа 70 буюу түүнээс дээш хувиар алдах тохиолдолд даатгагч зээлийн үлдэгдлийг төлж барагдуулах шинэ зохицуулалтыг баталлаа.
✅Уг зохицуулалт хэрэгжиж эхэлснээр даатгалын хамгаалалтын хэмжээ 5-6 дахин нэмэгдэж, даатгуулагч болон түүний гэр бүл санхүүгийн хүндрэлд орох, орон байраа алдах зэрэг эрсдэлээс зээлийн хугацааны туршид даатгалаар бүрэн хамгаалагдах юм.
✅Мөн ипотекийн даатгалын нэгдсэн мэдээллийн сан бүрдэж, даатгалын гэрээг жил бүр сунгах шаардлагагүйгээр оролцогч талуудад цаг хугацаа, зардлын хэмнэлтийг бий болгох, ипотекийн даатгалтай холбоотой аливаа маргааны тоо буурах, даатгуулагчдын эрх ашиг зөрчигдөхөөс урьдчилан сэргийлэх зэрэг ач холбогдолтой юм.