Даатгалын тухай хууль, тогтоомжид заасны дагуу Холбоо нь албан журмын даатгалын үйл ажиллагаанд хяналт тавих, мэдээлэл солилцох чиг үүрэг бүхий мэдээллийн нэгдсэн сантай байна гэж заасны дагуу дэвшилтэд технологид суурилсан жолоочийн хариуцлагын албан журмын даатгалын шинэчилсэн системийг нэвтрүүлснээ танилцууллаа. Энэхүү систем шинэчлэгдсэнээр даатгалын гэрээ байгуулах, тайлагнах үйл ажиллагаа хялбар болох, үүлэн технологид суурилсан баазыг бий болгох, системийн ачааллыг хянах, төрийн байгууллагуудтай шуурхай мэдээлэл солилцох, урьдчилж гэрээ хийх, гэрээнд нэр дурьдагдсан жолоочийг нэмэх, гэрээний төлбөрийн сонголтыг бий болгох зэрэг даатгагч, даатгуулагч нарын цаг, зардлыг хэмнэсэн өөрчлөлт хийгдсэн болно. Мөн Жолоочийн даатгалын хуулийн хэрэгжилт, даатгалын хүртээмж, үйлчилгээний талаар иргэдээс авсан судалгааны үр дүнгийн мэдээлэл өгч цаашид шийдвэр гаргах түвшний болон хэрэгжүүлэгч, хамтран ажиллагч байгууллагууд ямар чиглэлд анхаарч ажиллах хэрэгцээ шаардлага байгаа талаар санал солилцлоо. Жолоочийн даатгалын системийн шинэчилэл нь даатгалын салбарт түлхэц өгсөн бөгөөд даатгалын үйлчилгээ, даатгалын салбарын мэдээллийн сангийн дата бүрдүүлэлтэд чухал үүрэг гүйцэтгэх юм.