Албан журмын даатгагчдын холбоо нь “Юбикаб ХХК”-тай хамтран ажиллах санамж бичиг байгууллаа.
Энэхүү санамж бичиг нь “Даатгалын тухай хууль”, “Жолоочийн даатгалын тухай хууль”-д заасны дагуу даатгалын тохиолдлыг бууруулах, зам тээврийн ослоос урьдчилан сэргийлэх Юбикаб-д бүртгэлтэй жолооч нарт чиглэсэн сургалт зохион байгуулах, Жолоочийн хариуцлагын даатгалын гэрээ байгуулахад хялбар шийдлийг хамтран бий болгох зорилготой юм.
Арга хэмжээнд “Албан журмын даатгагчдын холбоо”-ны Гүйцэтгэх захирал М.Өлзийбат, Даатгалын сангийн дарга С.Хишигзаяа, мэргэжилтэн Э.Төрболд, С.Ариунтуяа болон “Юбикаб ХХК”-ний Гүйцэтгэх захирал Н.Отгонбаяр, Үйл ажиллагааны захирал Д.Отгонбаяр нар оролцлоо.
