Албан журмын даатгагчдын холбоо нь 2025 оны 05 дугаар сарын 05-ны өдөр Цагдаагийн ерөнхий газрын Тээврийн цагдаагийн алба болон “Бодь даатгал” ХК-тай хамтран, “Премиум Нэксус Ложистик” ХХК-ийн хүргэлтийн үйлчилгээний 70 гаруй жолооч нарт сургалт хийлээ. Тус сургалтаар Албан журмын даатгагчдын холбооны Сургалт хариуцсан менежер Б.Гүндэгмаа, Тээврийн цагдаагийн албаны Урьдчилан сэргийлэх хэлтсийн ахлах зохицуулагч, Цагдаагийн ахмад Д.Ганхуяг, “Бодь даатгал” ХК-ийн Даатгалын ахлах менежер Д.Жанчив нар хамтран зам, тээврийн ослоос урьдчилан сэргийлэх, даатгалын тохиолдлыг бууруулах зорилгоор Жолоочийн даатгалын тухай хуулийн хэрэгжилт, даатгуулагч, даатгагчийн эрх үүрэг, даатгалын гэрээний анхаарах асуудал, хариуцлагын даатгалын ач холбогдол, зам, тээврийн осол болон даатгалын тохиолдлын үед авах арга хэмжээний талаар мэдээ мэдээллийг хүргэлээ.
