Албан журмын даатгагчдын холбоо Зам тээврийн яамтай хамтран “Замын хөдөлгөөний аюулгүй байдлын эрх зүйн зөрчлийн онцлог” сэдэвт сургалтыг даатгалын компаниудын нөхөн төлбөрийн мэргэжилтнүүдийн дунд зохион байгууллаа.
Зам тээврийн яамны Замын хөдөлгөөний аюулгүй байдлын ажлын албаны мэргэжилтэн А.Энхболд замын хөдөлгөөнийг зохицуулж ирсэн түүх, зам, тээврийн ослын шалтгаан нөхцөл, орчны нөлөө, техникийн шинжилгээ, хэргийн газрын үзлэг, ул мөр, зам, тээврийн ослын дүгнэлт гаргахад Замын хөдөлгөөний дүрмийн хэрэглээ зэрэг сэдвээр мэдээлэл өглөө.
Уг сургалт нь даатгалын компанийн нөхөн төлбөр хариуцсан мэргэжилтнүүдийг Жолоочийн даатгалын тухай хуульд орсон нэмэлт өөрчлөлтийг хэрэгжүүлэх, хүний амь нас, эрүүл мэнд хохироогүй зам тээврийн ослын нөхцөлд хэрхэн ажиллах талаар арга зүйн зөвлөгөө өгөх, чадавхжуулах зорилготой юм.
