“ЗАМЫН ХӨДӨЛГӨӨНИЙ АЮУЛГҮЙ БАЙДЛЫГ ХАМГААЛАХ НИЙГЭМЛЭГ”-ТЭЙ ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА.
Албан журмын даатгагчдын холбоо, Замын хөдөлгөөний аюулгүй байдлыг хамгаалах нийгэмлэгтэй хамтын ажиллагааны санамж бичиг үзэглэлээ.
Тус арга хэмжээнд Албан журмын даатгагчдын холбооны гүйцэтгэх захирал М.Өлзийбат, Сургалт, сурталчилгаа хариуцсан менежер С. Ариунсувд, Гүндэгмаа болон Замын хөдөлгөөний аюулгүй байдлыг хамгаалах нийгэмлэг” НҮТББ-ын гүйцэтгэх захирал С.Энхтөр, Замын хөдөлгөөний аюулгүй байдлыг хамгаалах нийгэмлэгийн гишүүн Б.Баттулга, Ц.Эрдэнэчимэг нар оролцлоо.
Ийнхүү тус Нийгэмлэгтэй хамтран ажилласнаар олон нийтэд зам, тээврийн ослоос урьдчилан сэргийлэх, даатгалын ач холбогдол, замын хөдөлгөөнд даатгалгүй этгээд зорчихгүй байх зэрэг Жолоочийн даатгалын тухай хуулийг хэрэгжүүлэхэд чиглэсэн сургалт, сурталчилгаа, нөлөөллийн ажил, арга хэмжээг зохион байгуулж, хамтран ажиллах юм.
