Монголын даатгалын зах зээлийн холбооноос өнөөдөр/2025.09.19/ Даатгалын салбарын шинэ ажилтнуудыг мэргэшүүлэх сургалтыг зохион байгуулж байна. Сургалтад Албан журмын даатгагчдын холбооны Сургалт, сурталчилгаа хариуцсан менежер Б.Гүндэгмаа “Жолоочийн хариуцлагын албан журмын даатгал”-ын талаар танилцуулж, хууль эрх зүйн шинэчлэл болоод даатгалын салбарт тулгамдаж буй асуудлаар мэдээлэл өглөө. Сэдвийн хүрээнд Жолоочийн хариуцлагын албан журмын даатгал болон Сайн дурын буюу Тээврийн хэрэгслийн даатгалын ялгаатай талыг шинэ ажилтнууд сонирхож байлаа.
Сургалтаар Даатгалын салбарын мөн чанар, Даатгалын эрх зүй, Эрсдэл, эрсдэлийн удирдлага, Даатгалын салбарын зохицуулалт, чиг хандлага, Зуучлалын үйл ажиллагаа, Давхар даатгал, Хөрөнгийн даатгал, Хариуцлагын даатгал, Амьдралын даатгал, Даатгалын гэрээ, Даатгалын нөхөн төлбөр, Гэнэтийн осол, Эрүүл мэндийн даатгал, Даатгалын андеррайтинг, Актуар тооцоолол зэрэг сэдвээр салбарын мэргэжилтнүүд хичээл орж, компанийн болон хувийн туршлагаас хуваалцав.
Сургалт хоёр өдөр үргэлжилнэ.
