“Даатгалын мэдээлэл солилцох, зэрэглэл тогтоох Азийн форум-2025”-д оролцлоо
Албан журмын даатгагчдын холбоо нь Малайз Улсын Куала Лумпур хотод зохион байгуулагдсан “Даатгалын мэдээлэл солилцох, зэрэглэл тогтоох Азийн форум-2025”-д оролцлоо.
Уг форум нь 2012 онд анх байгуулагдсан бөгөөд гишүүд хоорондоо статистик дата мэдээлэл солилцох, мэдээллийн сан бүрдүүлэх, хувь хэмжээг тогтоох загвар, аргачлалыг боловсронгуй болгох, эрсдэлийг үнэлэх, залилангаас урьдчилан сэргийлэх, боловсон хүчнийг чадавхжуулах, туршлага солилцох, гишүүдийн уялдааг хангах чиг үүргэтэй.
Азийн 8 байгууллагын /Япон, Индонези, Хятад, Энэтхэг, Тайланд, Малайз, Өмнөд Солонгос, Тайвань/ гишүүнчлэлтэй, ашгийн бус төрийн бус байгууллага юм.
Холбоо нь дээрх байгууллагад албан ёсны гишүүнээр элсэх хүсэлтээ гаргасан бөгөөд уг арга хэжээний үеэр өөрсдийн үйл ажиллагааны талаар танилцуулга хийж, мэдээлэл өгч ажиглагчийн статустай оролцов.
